Հովհաննես Թումանյանն ու «Սելֆին»
- gumruyan
- Feb 19, 2023
- 1 min read
1869 թ․-ի փետրվարի 19-ին է ծնվել հանճարեղ Լոռեցին՝ Ամենայն հայոց բանաստեղծ Հովհաննես Թումանյանը։
Մեծ գրողի նախասիրություններից մեկը եղել է լուսանկարելն ու լուսանկարվելը։ Առաջին լուսանկարչական սարքը Հովհաննես Թումանյանը ձեռք է բերել 1896 թվականին։ Ունեցել է 3 տեսախցիկ, որոնցից ոչ մեկը, ցավոք, չի պահպանվել։ Այնուամենայնիվ, գրողի ընտանիքի անդամների կողմից պահպանվել եւ հետագայում իր թանգարանին են հանձնվել մի քանի տասնյակ լուսանկարներ։
Տանն ուներ նաև լուսանկարվելու համար հատուկ տաղավարներ։ Նա տանել չէր կարողանում ստատիկ կադրերը և հորդորում էր բոլորին պատահմամբ նկարել։ Թումանյանն առաջիններից մեկն էր, որ ինքնանկար՝ «Սելֆի» արեց՝ դրանով ևս դառնալով պատմության մի մաս։
Հովհաննես Թումանյանը լուսանկարում էր նաեւ ընկերներին՝ հիմնականում գրական հավաքույթների ժամանակ: Նկարել է նաեւ Լոռու մարզի շատ հուշակոթողներ, բնապատկերներ։ Հատկապես արժեքավոր են բանաստեղծի կողմից 1904 թվականին Անի քաղաքում արված լուսանկարները։
2019 թ․-ին գրողի Երևանի տուն թանգարանում տեղի է ունեցել «Թումանյանը լուսանկարիչ» ցուցադրությունը։
Comments