![](https://static.wixstatic.com/media/353841_59266ad3dc6a400ab7185c03f546d1e2~mv2.jpeg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/353841_59266ad3dc6a400ab7185c03f546d1e2~mv2.jpeg)
Հայ Առաքելական եկեղեցին Քրիստոսի Սուրբ Ծննդյան օրվանից 40 օր հետո՝ քառասուն օրական Հիսուսին տաճար ընծայաբերելու օրը նշում է Տյառնընդառաջը Փետրվարի 13-ին, երբ եկեղեցական օրացույցի համաձայն՝ երեկոյան ժամերգությունից հետո փոխվեց օրը՝ սկսվեց Տյառնընդառաջի տոնը․ Գորիսում հանդիսավորությամբ է նշվել այն։
![](https://static.wixstatic.com/media/353841_bd0583c7df78420d85321fae99b6f259~mv2.jpeg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/353841_bd0583c7df78420d85321fae99b6f259~mv2.jpeg)
Սյունյաց թեմի առաջնորդական տեղապահ, հոգեշնորհ Տեր Մակար վարդապետ Հակոբյանի, Գորիսի տարածաշրջանի հոգևոր հովիվներ Տեր Ահարոն քահանա Մելքումյանի ու Տեր Տիգրան քահանա Հակոբյանի աղոթքներով ուղեկցվեց ժամերգությունը՝ Սուրբ Գրիգոր Լուսավորիչ եկեղեցում։
![](https://static.wixstatic.com/media/353841_b38b1182e4194c7496c55989c06030b1~mv2.jpeg/v1/fill/w_147,h_108,al_c,q_80,usm_0.66_1.00_0.01,blur_2,enc_auto/353841_b38b1182e4194c7496c55989c06030b1~mv2.jpeg)
40 նորապսակներ օրհնություն ստացան։ Ընտանիքը նվեր է, որն Աստված նվիրեց մարդուն արարումից հետո: Յուրաքանչյուր մարդ ուժեղ է իր ընտանիքով, ամուր ընտանիքն է, որ շարժիչ ուժ է, հենասյուն, ապավեն։ Ընտանիքը պետք է ամուր պահել։ Այնուհետև եկեղեցու կանթեղներից վերցված կրակով եկեղեցու բակում վառվեց խարույկ՝ որպես Քրիստոսի լույսի խորհրդանիշ։ Ժողովրդական ավանդույթը պատմում է՝ Տյառնընդառաջի հիմնական ծեսն է խարույկ վառելը, որի շուրջը տոնակատարություն է լինում։ Երբ ցածրանում է խարույկի բոցը` նորապսակները իրար ձեռք բռնած՝ ցատկում են խարույկի վրայով։
![](https://static.wixstatic.com/media/353841_acaa2f0bc86444eb952ad4d0c11f7503~mv2.jpeg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/353841_acaa2f0bc86444eb952ad4d0c11f7503~mv2.jpeg)
Օրը տոն դարձրեց Գուսան Աշոտի անվան մշակույթի կենտրոնը․ եկեղեցու բակում հնչեցին ազգագրական երգեր, Սյունիք համույթը պարային կատարումներով հանդես եկավ։
![](https://static.wixstatic.com/media/353841_708812f0e8b442d3944bbe86db56a9de~mv2.jpeg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/353841_708812f0e8b442d3944bbe86db56a9de~mv2.jpeg)
Միջոցառմանը իրենց ցուցադրություններով մասնակցեցին նաև Շառլ Ազնավուրի անվան արվեստի դպրոցն ու Գորիսի երկրագիտական թանգարանը: Գորիսի համայնքապետարանը տյառնընդառաջյան-ավանդական սեղան էր բացել։ Նորապսակների տոնական օրն ավարտվեց նվերներով՝ Գորիս համայնքի ղեկավարի կողմից։
Գորիսի Համայնքապետարանի մամլո ծառայություն